హీట్ హీట్‌గా సాగిన తొలివారం నామినేషన్స్‌కి శంఖం పూరించారు బిగ్ బాస్. తొలివారం నామినేషన్స్‌లో భాగంగా.. ఇంటి సభ్యుల మధ్య పెంటపెట్టాడు.. అందరి ఫొటోలతో కూడిన చెత్త కవర్లను ఉంచి.. నామినేట్ చేసేవాళ్ల కవర్‌ని తీసుకుని వెళ్లి ఒక్కొక్కరు ఇద్దరిద్దరిద్దు చొప్పున నామినేట్ చేయాలని చెప్పారు. మొదటిగా శ్రీరామ్‌ని నామినేట్ చేయాల్సిందిగా కోరాడు బిగ్ బాస్. ఎవరు ఎవర్ని నామినేట్ చేశారంటే..
1. శ్రీరామ్.. మానస్, జెస్సీ లను నామినేట్ చేశాడు.
వీళ్లిద్దర్నీ నామినేట్ చేస్తూ వాళ్లతో పెద్దగా పరిచయం లేకపోవడం వల్ల నామినేట్ చేస్తున్నట్టు చెప్పాడు.
2. సరయు.. కాజల్, రవిలను నామినేట్ చేసింది.
కాజల్‌ని నామినేట్ చేస్తూ.. ఆమెకి బిగ్ బాస్ స్ట్రాటజీ బాగా తెలుసు అందుకే నామినేట్ చేస్తున్నా అని చెప్పింది. ఇక రవిని నామినేట్ చేస్తూ నాకు గట్టి కాంపిటేటర్‌గా భావిస్తున్నా అందుకే నామినేట్ చేశా అని చెప్పింది.
3. శ్వేత.. హమిద, నటరాజ్‌లను నామినేట్ చేసింది.
4. విశ్వ.. జశ్వంత్ (జెస్సీ), మానస్‌లను నామినేట్ చేశాడు.
యాటిట్యూడ్ చూపించొద్దు అంటూ విశ్వ.. జెస్సీకి వార్నింగ్ ఇచ్చాడు. ఉదయం జరిగిన డిస్కషన్‌లో అతని ప్రవర్తన తనకి నచ్చలేదని అందుకే నామినేట్ చేశానని చెప్పాడు. అయితే జెస్సీ.. విశ్వపై ఫైర్ అవుతూ జరిగిన దాన్ని విశ్వ తప్పుగా అర్థం చేసుకున్నాడని బాధపడ్డాడు.
5. ఆనీ మాస్టర్.. సిరి, జెస్సీలను నామినేట్ చేశారు.
6. జెస్సీ .. విశ్వ, హమీదాలను నామినేట్ చేశాడు. నామినేట్ చేస్తూ.. ఆనీ మాస్టర్ తనని నామినేట్ చేసినా కోపం లేదని.. కారణం లేకుండా కోప్పడి గొడవకు కారణం అయిన హమీదాని నామినేట్ చేస్తున్నట్టు చెప్పాడు.
7. యాంకర్ రవి.. నటరాజ్, మానస్‌లను నామినేట్ చేశాడు.
నటరాజ్‌ని నామినేట్ చేస్తూ.. మీతో నాకు చాలా ఏళ్లుగా పరిచయం ఉంది కానీ.. మీరు ఇక్కడ నాకు చాలా కొత్తగా కనిపిస్తుంది.. మీ పక్కకు రావాలంటే భయం వేస్తుందని అన్నాడు రవి. అలాగే మానస్ ఎవరితోనూ కలవడం లేదేమో అనిపిస్తుందని అందుకే నామినేట్ చేస్తున్నట్టు చెప్పాడు రవి.
8. ఉమాదేవి.. కాజల్, జశ్వంత్‌ని నామినేట్ చేసింది.
కాజల్‌ని నామినేట్ చేస్తూ ఆమె ఆటను చాలా క్యాలిక్యులేట్‌గా ఆడుతుందని.. అది తెలిసిపోతుందని చెప్పింది.
9. హమీదా.. లహరి, జెస్సీలను నామినేట్ చేసింది.
10. షణ్ముక్ జస్వంత్.. సన్నీ, లోబోలను నామినేట్ చేశాడు.
11. సన్నీ.. షణ్ముక్, సరయులను నామినేట్ చేశాడు.
12. ప్రియాంక.. షణ్ముఖ్, హమీదలను నామినేట్ చేసింది.
13. నటరాజ్.. రవి, జెస్సీలను నామినేట్ చేశారు.
రవిని నామినేట్ చూస్తూ.. నేను నాలాగే ఉంటానని నీకోసం నేను నటించలేనని చెప్పాడు నటరాజ్ మాస్టర్. ఇక జెస్సీ‌ని నామినేట్ చేస్తూ.. నువ్ మరీ అమాయకత్వంగా ఉంటున్నావ్.. ఇలా ఉంటే తొక్కేస్తారని అందుకే నిన్ను నామినేట్ చేస్తున్నా అని అన్నాడు నటరాజ్ మాస్టర్. దీంతో జెస్సీ ఎమోషనల్ అయ్యాడు. కన్నీళ్లు పెట్టుకున్నాడు.
14. ప్రియ.. సిరి, కాజల్లను నామినేట్ చేసింది.
15. లోబో.. ప్రియ, యాంకర్ రవిలను నామినేట్ చేశాడు.
ఇతని నామినేషన్ చాలా ఫన్నీగా సాగింది. ఇంటి సభ్యుల్ని అందర్నీ తెగ నవ్వించాడు.
యాటిట్యూడ్ చూపిస్తే నాకు మీటర్ లేచిపోతుందని.. ప్రియ యాటిట్యూడ్ చూపించారని అందుకే నామినేట్ చేస్తున్నట్టు చెప్పాడు. రవి కూడా యాటిడ్యూడ్ చూపించాడని అందుకే నామినేట్ చేస్తున్నట్టు చెప్పాడు.
16. మానస్.. విశ్వ, సరయులను నామినేట్ చేశాడు.
17. సిరి.. హమీదా, ప్రియలను నామినేట్ చేసింది.
18. కాజల్.. సరయు, ఉమలను నామినేట్ చేసింది.
ఆమె నామినేట్ చేస్తూ.. బిగ్ బాస్ నా ఫేవరేట్ షో. అందుకే ఇంత హ్యాపీగా ఉన్నా.. నా డ్రీమ్‌కి అడ్డుకట్టు వేసి నామినేట్ చేసిన సరయు, ఉమలను నామినేట్ చేస్తున్నట్టు చెప్పింది.
19. లహరి.. హమిదా, కాజల్లను నామినేట్ చేసింది.
మొత్తం రంజుగా సాగిన ఈ నామినేషన్ పక్రియలో యాంకర్ రవి, మానస్, సరయు, కాజల్, హమీదా, జస్వంత్ (జెస్సీ)లు నామినేట్ అయ్యారు. ఈ ఆరుగురిలో ఒకరు తొలివారమే ఇంటి ముఖం పట్టబోతున్నారు. ఇవీ నేటి ఎపిసోడ్‌లో అప్డేట్స్..
సన్నీ నామినేట్ చేస్తూ.. షణ్ముక్‌కి కౌంటర్లు వేశాడు.. మనం ఏం చేసినా సైన్యం ఉంటుంది అనుకుంటాం కానీ.. ఇక్కడకి వచ్చిన తరువాత ప్రతి ఒక్కడికీ సైన్యం వస్తుంది. యుద్దానికి వెళ్లేటప్పుడు ఆవేశం ఎంత ఉండాలో ఆలోచన కూడా అంతే ఉండాలి అంటూ హితోపదేశం చేశాడు.
